18 апрель көнө беҙ, 6-сы синыф уҡыусылары, Иҫәнғолға район мәҙәниәт йортона кинотеатрға барҙыҡ. Нисек кенә телевидение алға үҫешһә лә, ваҡыты менән кинотеатрға йөрөргә кәрәк. Ни өсөн тигәндә, 2д күҙлектәрен кейеп, шундай сағыу, яҡты йәнһүрәтте ҙур экранда ҡарау телевизор йә иһә компьютерҙан ҡарау менән сағыштырған да күпкә ҡыҙығыраҡ! Һәм синыфташтар менән фильм ҡарауы күңеллерәк тә! Беҙ яңы сыҡҡан “Как приручить дракона” 3 тигән йәнһүрәтте һайланыҡ. Ҡасандыр викингтар дракондар менән бергә йәшәгәндәр. Ул ваҡытта ҡайғыны ла, шатлыҡты ла бергә бүлешеп йәшәйҙәр. Һәм һәр ваҡыт ошолай йәшәр кеүек ине, ләкин Серле Көндөҙ Фурияһының килеп сығыуы бөтә утрауҙы үҙгәртә. Беззубик  һәм Фурияға  һунарсылар һөжүм итәләр. Тик мөхәббәт, бер-береһенә булған яҡшы мөнәсәбәт  уларҙы ғына түгел, бөтә утрауҙы ҡотҡара. Беҙгә фильм бик ныҡ оҡшаны. Киләсәктә тағын килергә һүҙ биреп, ыңғай кисерештәр  туплап күңелле йөрөп ҡайттыҡ. Класс етәксебеҙ Миңлегөл Әхтәм ҡыҙына, шофер Ринат ағайға ҙур рәхмәтебеҙҙе еткерәбеҙ